श्रीक्षेत्र माहूर
श्री क्षेत्र माहूर येथे आज क्रांतीसुर्य भगवान बिरसा मुंडा जयंती उत्साहात साजरी करण्यात आली. विविध सामाजिक, आदिवासी व युवक संघटनांच्या संयुक्त विद्यमाने शहरातील भगवान बिरसा मुंडा चौकात आयोजित कार्यक्रमांत हुतात्मा बिरसा मुंडा यांच्या प्रतिमेस अभिवादन करून त्यांच्या बलिदान व संघर्षमय आयुष्याचे स्मरण करण्यात आले.
स्थानिक आदिवासी समाज, विद्यार्थी संघटना, स्वयंसेवी संस्था, महिला बचत गट तसेच नगरातील विविध सामाजिक मंडळांनी रॅली, सांस्कृतिक कार्यक्रम व परंपरागत नृत्यांच्या माध्यमातून आदिवासी क्रांतीवीराला अभिवादन केले. कार्यक्रमाच्या सुरुवातीला बिरसा मुंडा यांच्या प्रतिमेस माल्यार्पण करून दीपप्रज्वलन करण्यात आले.
वक्त्यांनी आपल्या भाषणात बिरसा मुंडा यांनी आदिवासी समाजाच्या हक्कांसाठी दिलेला लढा, वनधिकार, स्वाभिमान आणि सत्तेविरुद्ध उभारलेल्या उठावाची माहिती सांगत त्यांच्या विचारांचे महत्व अधोरेखित केले. “बिरसा मुंडा हे केवळ आदिवासी नायक नसून संपूर्ण देशासाठी प्रेरणास्थान आहेत,” असे मत अनेक मान्यवरांनी मांडले.
यावेळी मुला–मुलींसाठी इतिहास व आदिवासी संस्कृतीवर आधारित प्रश्नमंजुषा, चित्रकला स्पर्धा, तसेच पारंपारिक वाद्यवृंदाचा आकर्षक कार्यक्रम करण्यात आला. अनेक संघटनांनी माहूर तालुक्यातील सर्वच गावात जंगल संरक्षण, शिक्षण आणि व्यसनमुक्तीबाबत जनजागृती संदेशही दिले.
कार्यक्रमाच्या शेवटी उपस्थित सर्वांनी ऐक्य, सांस्कृतिक जतन आणि विकासाच्या वाटचालीत बिरसा मुंडा यांचे विचार अनुसरण्याचा संकल्प करून ठिकठिकाणी क्रांतीसुर्य भगवान बिरसा मुंडा जयंती उत्साहात साजरी करण्यात आली
