श्रीक्षेत्र माहूर
माहूर तालुक्यातील मौजे लखमापूर गाव तांडा आणि जग्गू नाईक तांडा येथील गतवर्षी जल जीवन मिशन अंतर्गत पाणी पुरवठा योजनेचे काम अद्याप पूर्ण झाले नसल्याने सदरील पाणी पुरवठा योजनेचे सध्या बंद असलेले काम तात्काळ सुरु करून काम पूर्ण करणे व झालेले काम अत्यंत निकृष्ट दर्जाचे झाले असल्याने सदर कामाची चौकशी करून संबधित अभियंता व कंत्राटदार यांचे विरुद्ध दंडात्मक व फौजदारी कारवाई करावी अशी मागणी मोजे जग्गू नाईक तांडा येथील अरविंद राठोड अमोल राठोड यांनी सर्व संबंधिताकडे निवेदनाद्वारे केली आहे
माहूर तालुक्यातील 50 गावांपैकी अनेक गावात जल जीवन मिशन चे काम निकृष्ट झाल्याची गेल्या वर्षभर बोंबाबोंब सुरू होती त्यामुळे अनेक ठिकाणची कामे रेंगाळलेली असून मौजे लखमापूर येथे जल जीवन मिशन अंतर्गत काम सुरु करण्यात आले असून सदरील काम अद्याप पर्यत अपूर्ण स्थितीत आहे. ज्यामध्ये पाण्याच्या टाकीचे बांधकाम माहे मे २०२५ मध्ये केले परतु सुरुवातीस क्युरिंग करण्यात आली नाही. विहिरीचे बांधकाम, गाव व तांड्यातील अंतर्गत पाईपलाईनचे काम, आदी कामे अपूर्ण आहेत. त्यामुळे सदर पाणी पुरवठा योजना कार्यान्वित होऊ शकली नाही. तसेच जग्गू नाईक तांडा व लखमापूर गाव व तांडा येथे पाईपलाईन साठी खोदकाम करून ठेवलेले रस्ते अद्याप पर्यंत मेकअप केले नाहीत. संबधित कंत्राटदार व अभियंता यांनी सदरील पाणी पुरवठा योजनेच्या कामाकडे फिरकून सुद्धा पहिले नाही पावसाळ्याचा बहाना करून काम बंद करण्यात आले ते काम अद्याप पर्यंत सुरू करण्यात आलेले नसल्याने गावकरी तांडा वासियांना दूषित पाणी प्यावे लागत असल्याने विविध आजारांचे प्रमाण वाढले आहे
निवेदनाच्या प्रति मा.जिल्हाधिकारी नांदेड मा.सहाय्यक जिल्हाधिकारी किनवट, मा.
तहसीलदार माहूर ,मा.कार्यकारी अभियंता जि.प. पाणीपुरवठा विभाग नांदेड गट विकास अधिकारी पंचायत समिती माहूर उप अभियंता जी.प. पाणीपुरवठा बांधकाम विभाग किनवट माहूर यांना देण्यात आल्या आहेत.
